潮𡃁便當 破格任食提案

0
661

W1236_015_01

潮𡃁便當

破格任食提案

你或你身邊總有人一聽到「任食」兩個字,雙眼便會發光。一個價錢可畀你食到飽為止,確實非常吸引。平時推廣任食的多數是日式食肆或火鍋店,誰知今時今日,就連大閘蟹和台式甜品都有得任食,$200仲可歎到海鮮 dinner buffet,以最旬的價錢,食到最豐富的美食,仲想點?

十月橫行 $398任擦大閘蟹

位於九龍皇冠假日酒店的中菜館紫粵軒去年推出「大閘蟹膏瘋會」任食推廣,大收旺場,搞到要延長一個月才能滿足客源,今年繼續食住條水,每位$398就可享用一道前菜及任食 5款煮法的大閘蟹,包括冰鎮黃酒大閘蟹、釀焗大閘蟹蓋、菊花蒸大閘蟹、薰衣草蒸大閘蟹和清蒸大閘蟹。這裏選用正宗江蘇太湖大閘蟹公,每隻四至五両,配以大廚自行調配加入薑米的鎮江浙醋蘸食,有除寒、暖胃之效,同時更添滋味。現場亦設有拆蟹服務,每隻收$5,拆蟹師就會幫你清除蟹的內臟及分件,懶得拆蟹的人可以慳時間食多兩隻。至截稿前,餐廳已收到逾 4,000位預訂,認真巴閉。任食推廣暫定至 11月 15日,有興趣的要趁早預訂!

冰鎮黃酒大閘蟹
活蟹隔水清蒸之後,再用稀釋的冰凍黃酒浸 3小時,酒香適中,不會搶過蟹的鮮味和影響肉質,上枱時香氣氤氳。

鴛鴦蟹粉流沙丸
蝦丸外脆內彈牙,流心花枝丸包著蟹粉,一咬開膏油溢出,加上外層鋪滿以慢火烘乾八小時的脆米,口感豐富。

釀焗大閘蟹蓋
動手拆蟹前,先食隻蟹蓋打打底。將蟹肉、蟹粉、白菌和洋蔥釀入大閘蟹蓋,再鋪上麵包糠蛋漿炸至金黃色,口感香脆而不膩。

燕窩蟹粉海皇羮
每位加$1即可享用原價$168的燕窩蟹粉海皇羮,將蟹粉、菜芯絲和生拆蟹肉煮成羮,再放上足両越南燕窩,即叫即製,必食!

菊花蒸大閘蟹
大部分人都偏愛吃清蒸大閘蟹,不過今次雪菊應可討你歡心,蒸後滲出淡淡菊花清香,有助提升蟹的鮮味。

紫粵軒
香港九龍皇冠假日酒店 2樓
供應時間: 6pm-10:30pm
訂座電話: 3983 0688

Final Call! $38甜品放題

台式甜品店木子甜品月前開創任食甜品先河,輪流於各分店進行任食推廣,逢星期六及日每位只需$38,就可於 45分鐘內任點餐牌上的甜品。平時點一客甜品,$40都未必夠,現在任叫任食咁筍,所以逢周末都必定爆場。有見及此,店家決定將原定 9月尾完結的推廣期延長至 10月尾,務求俾多一個月大家食到夠,不過只限大角咀分店!另外亦需注意餐牌中有 5款甜品只能任選 1款,但就算如此都一定回到本。店員向記者透露,暫時最高紀錄的客人可於 45分鐘內食到 6款甜品,自問大胃王的甜品控仲唔把握機會挑機?

椰汁紫米芋圓
三色包餡芋圓的外皮分別由山藥、地瓜和芋頭製成,餡料則是地瓜和芋頭蓉,咬落煙韌但不硬身,質素媲美在台灣食到的芋圓。

抹茶米線配芒果刨冰
刨冰米線是店家的新產品,用椰汁蒟蒻造成的米線相當彈牙,有抹茶、豆腐及椰子等口味選擇,配上芒果或椰子刨冰,瞬間降溫。

鮮雜果豆花配芒果雪泥
豆花滑溜,自家製芒果雪泥清新香甜,配上多款新鮮水果,色彩繽紛,睇見都開心。

木瓜蘋果燉海底椰
除了台式甜品,亦可選擇各款滋潤糖水,女生們可趁機滋補一番。

心太軟配香草雪泥
選用法國純可可豆及玫瑰麵粉製成,朱古力濃度為 70%,不會太過甜膩,配上自家製雪泥,冷熱交融,口感一流。

木子甜品
大角咀詩歌舞街 83號亮賢居地下 2號舖
供應時間: 12nn-6pm
電話: 2328 8896

學生半價 $219歎海鮮自助餐


自助晚餐的食物抵食夾大件,炭燒蒜蓉美國生蠔、法式鮮橙燒鴨胸、香芒牛油果蟹肉、煙三文魚等應有盡有,超值!

幾時都話,做學生真係好幸福,連食自助餐都有半價。即日至 10月 31日到帝景軒品嚐「探索環球美食之旅」自助晚餐,只要出示有效學生證,全枱就可享有半價優惠(原價每位$438),同班 Friend或屋企人飯聚就啱晒啦!此自助晚餐以海鮮為主題,無限量供應長腳蟹、凍大蝦及青口等,薑蔥炒海鮮超惹味!還有北菇燴花膠、黑松露汁海鮮長通粉、鹽燒牛舌及燒帆立貝等主菜,女生們最關心的甜品部分亦選擇眾多,冧酒朱古力蛋糕、檸檬撻、焦糖燉蛋都是必試之選!

紅酒燴和牛面
和牛肉味濃郁,肉質軟腍;酒精成份在烹調期間蒸發,留低營養價值。

北菇燴花膠
食自助餐當然要識食回本菜,這道北菇燴花膠,花膠肉厚入味,啖啖盡是豐富的骨膠原。

焦糖燉蛋
小記覺得焦糖燉蛋是甜品中最出色的一款,不會偏甜, encore多幾次都得。

帝景軒
帝景酒店 2樓
供應時間: 6:30pm-9:30pm
訂座電話: 3716 2898

撰文:彭詩琪
攝影:葉曉明

anyShare分享到: