職場起底組 上course學管理樹木

0
965

 

職場起底組

上 course學管理樹木

早前般咸道古樹半夜被斬事件,引起大眾對樹木保育工作的關注,其實隨着社會對綠色生活的重視,投身樹藝行業十分有發展潛力。樹藝管理需要不少專業知識,可算是專業人士,坊間有不少樹藝課程,讓學員了解樹藝管理的工作,就算不入行,在保育樹木時也可以說得有根有據。

課程由香港樹木學會會長 Man及多名註冊樹藝師分別任教,有二十多年樹藝工作經驗的 Man表示,學員透過課程可學習有關樹木工作的理論及技巧,「包括樹木辨識、檢查、護理及移植等工作上會用到嘅知識,認識唔同嘅樹木好重要,唔同嘅樹種需要嘅生長環境、要注意嘅防害地方都唔同,好似路邊最好種直立式樹形嘅樹,令路面留有更多空間。」
另外,課程有戶外實習,「學員會學到攀樹、樹木修剪及移植等技巧,要落手落腳先知道點做。」


移植樹木是樹藝管理的工作範疇,學員在堂上可親身嘗試移植,讓知識更牢固。


學員需要熟悉樹藝工具,包括草剪、電油鋸、泥鏟等工具的使用方法。 多年輕人報讀

Man表示市場對樹藝工作需求日增,多了不少年輕人報讀課程,「近年多咗人關注樹木保育,唔少園藝公司增設樹木管理嘅職位,吸引多咗後生仔嚟報讀。對樹木管理有基本嘅認識,喺見工時有一定幫助,初入行做樹木管理工作,月入約$9,000至$10,000;如果要考樹藝師就需要 3年樹木工作經驗,考到樹藝師資格後,人工可升至 15,000以上。」

導師 Man
做樹藝工作需要長時間留喺戶外,不時要攀樹或喺吊車上為樹木進行檢查,一般會都去到十幾米高,首先克服高空工作嘅心理障礙,雖然工作幾體力化,但近年都多咗女生入行。

學員陳小姐
之前做有關工程嘅工作,接觸到樹木保育,諗住嚟上堂,增加樹藝方面嘅知識,我對樹木護理嘅認識多咗,依家仲入埋行,做樹木管理嘅工作。

課程:樹藝學課程
機構:香港樹木學會
對象:有興趣人士
學費:$5,500
堂數: 10堂,共 30小時及兩日 16小時戶外實習。
內容︰樹木生物學、樹木分類及品種選擇、土壤管理、樹木修剪及保養、樹木評估及危機管理、工作職業安全等。
查詢: 6921 9723

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:打工達人
攝影:胡景禧
部分圖片由被訪者提供

anyShare分享到: