青雲路 管理全球船運數據

0
711

面對辦公室的圖表,阿龍及同事每天都要處理來自世界各地不同的資訊,從中整理分析,以增加船運效率,可說是責任重大。

青雲路

管理全球船運數據

從事資訊科技給人的印象是沉悶、長期對着電腦,修讀訊息工程的阿龍,參加了船運管理軟件方案公司 Cargosmart的培訓生計劃,成為了技術分析員,有機會與不同國家的技術人員交流,工作上要分析及管理全球船運的數據,方便客戶得到不同的資訊,從中找到屬於自己的價值。


Big Schedules是 Gargosmart最新的智能船期搜索引擎,可以讓客戶快捷地找到船舶位置等資料。

「𠵱家做緊個關於吉櫃出入最佳化嘅 project,每個港口嘅貨櫃進出量都有唔同,貨櫃將貨物運到目的地後,如果吉櫃送返回原地,成本會增加,我哋要收集唔同港口及航線嘅出入量等數據,嘗試提供方案畀船公司或者貨主,令佢哋可以更有效咁調配貨櫃,減低成本。」身為 Cargosmart技術分析員的阿龍,現時正負責有關空櫃出入計劃,收集各港口的空櫃情況。
Cargosmart是一間提供全球船運管理軟件方案的公司,覆蓋全球 90%貨櫃運輸的資料,為船運公司、貨主、港口等不同客戶提供全球海運狀況、船舶數據及船舶路線監控應用程式等不同方案,從而監察船運效率、優化供應鏈規劃、降低運輸和燃料成本,及減少船運延誤的風險等。

IT部門 4百人

27歲的阿龍表示,位於科學園的 IT部門約有 4百幾人,當中分不同的組別,各有負責的範疇,「例如程式編寫、系統維護、程式測試及數據分析等,我負責資料庫管理及數據分析,例如將收集到嘅船運班次、貨櫃等資料存入資料庫,要注意資料嘅保密、存取嘅速度等;另外,點樣方便其他 team更快提取資料,呢啲我都要去諗。」
11年,阿龍修畢中文大學訊息工程系後,透過培訓生計劃加入 Cargosmart,「當時有學長喺 Cargosmart做緊,話間公司唔錯,我就入嚟試吓。最初我做有關公司系統嘅工作,發現喺學校學到嘅知識只係好基本,好多嘢都要再深入研究;除電腦知識外,我仲要了解公司嘅業務,同埋船運嘅運作過程,其實都幾有趣。」


阿龍表示他們的工作涉獵到船運的各層面,「由 book船期、提取貨櫃到送到目的地都關我哋事,一隻貨船有成過萬個貨櫃,當中嘅擺放位置都係經過我哋程式嘅編排,如果唔係就會好混亂。」


最愛分析數據

隨着公司安排,阿龍分別負責過系統、程式開發、資料庫管理及數據分析等不同工作,完成了兩年的培訓生計劃後,阿龍發現自己最愛的是數據分析及性能優化的工作。
「第一手得到嘅數據會好多同亂,直接畀客戶會好難去理解,我要將有用嘅資料抽取出嚟,因應客戶平時嘅使用模式,將資訊呈現畀佢哋睇,例如選擇船舶航行路線會考慮咩因素,原來要取決天氣、海上情況、航行時段等,我好鍾意呢種要不斷分析,再找到答案嘅過程。」
在 Cargosmart工作,讓阿龍接觸到不同層面的資訊科技,更有機會去國外見識,「今年 3月,有 project需要我去美國夕谷嘅數據中心工作兩個月,嗰度係 Microsoft、 Apple、 Google等 Vendor嘅總部,喺工作時可以好快咁相互交流,學到新嘅 technology,好似 Oracle DB嘅 binary xml, virtual private datebase等技術,開闊咗自己眼界。」


公司的休息室提供不同的零食及飲品,阿龍(左)工作得太累時,會與同事一同聊天,讓自己鬆一鬆。


今年 3月,阿龍到美國交流,他參加了在 facebook總部舉辦的 Mongo DB活動,了解更多當今的 IT文化。 優化程式極速運算

在別人眼中,阿龍每天對着的是一堆難以明白的數字,及不同的電腦編碼,但他可以從中找到樂趣,「公司有 program將唔同嘅數據集成一個報告,初入職時,每次運算要成 30分鐘,我覺得個程式可以再快啲,於是自發咁優化個程式,最後做到 30秒完成一次運算,個成功感好大。」
阿龍現已任職技術分析員兩年多,他表示工作常有不同的挑戰,短期目標是升為高級技術分析員,「𠵱家科技每日都進步緊,我哋要不斷更新及推出新功能,去滿足客人需要,好似最新嘅 Big Schedules,可提供即時嘅船期資料、貨船定位、天氣及碼頭狀況等,呢啲都靠同事背後嘅努力,先呈現到畀客戶知道。」


不要以為從事 IT行業就不愛運動,阿龍平時會與朋友參加不同的活動,圖中是他們玩 bubble soccer時攝。


Cargosmart設有監控中心,有不同的同事留意包括天氣、季節、海上情況、船舶數據等資訊,把這些情報不斷更新,即時提供與客戶。 後記︰自我價值


藉着公幹,阿龍去了美國不同的地方見識,圖為參觀三藩市時攝。

看着阿龍說起工作時的眉飛色舞,記者難以代入,不知長時間面對數據的樂趣何在?但阿龍說了一句,「搵到自己嘅 value。」讓記者立時省悟,在工作中找到自己的價值,樂趣亦因此而來,這是工作令你得到快樂的泉源,你找到自己的價值了嗎?

點入行?

Cargosmart的助理總經理 Elvis表示,隨着公司發展,會在今年增聘 100人,歡迎大學畢業生申請,「 Cargosmart嘅培訓生計劃,受香港工程師學會嘅工程畢業生培訓計劃(Engineering Graduate Training Scheme”A”)資訊科技組別(INF)認可,公司有唔同部門嘅資深經理擔任導師,教授佢哋 IT知識,正常成為註冊工程師約需 10年時間,參加呢個培訓計劃,約 5年就有足夠資格成為註冊工程師。」
申請的基本要求是擁有 IT相關的大學學位,整個培訓生計劃為期 2年,「約分 4個階段安排佢哋去唔同崗位,涵蓋軟件設計工程、硬件及軟件支援、溝通及領導等技巧,初入職嘅員工,月薪約為$17,000,有雙糧及花紅。」
Cargosmart
http://www.cargosmart.com

晉升階梯

高級技術分析員
$20,000或以上(5年經驗或以上)
技術分析員
$15,000至$17,000(2年經驗以上)
技術分析助理
$13,000(毋需經驗)
*以坊間公司為例

撰文:曾志恒
攝影:胡景禧
部分圖片由被訪者提供

anyShare分享到: