Jobs Live 《陪著你走》真實版 導盲幼犬成長路

0
733

Fish(右)不時與寄養家庭的主人進行家訪,圖為 Fish教 Mabel(左)在公眾場合,如何領導導盲幼犬。「 Gaga係拉布拉多犬,接受咗 40日 training,仲未習慣去多人嘅地方。」

Jobs Live

《陪著你走》真實版 導盲幼犬成長路

因《陪著你走》一劇,宋天從(胡杏兒飾演)與小導生的互動,令大眾對導盲犬有所認識。然而,成為導盲犬前,狗狗第一步需與寄養家庭一同生活,學習各種日常知識,經約 1年的訓練後,才可協助視障人士生活。 80後的 Fish是香港導盲犬協會的寄養家庭督導員,負責教導各寄養家庭如何與導盲幼犬相處,她至今已見証超過 50隻導盲幼犬成長,並投入工作。


Fish(右)與 Mabel讓 Gaga進行等巴士練習, Fish說:「巴士剎車聲可能會嚇親導盲幼犬,所以先同佢喺離巴士站遠距離嘅地方觀察,再一步一步慢慢行近巴士站,等佢習慣咗,就唔會有事。」

Fish擔任寄養家庭督導員約兩年,她從小喜歡小動物,曾養過 3隻小狗,「 12年,我去澳洲 working holiday,到墨爾本 Guide Dogs Victoria導盲犬學校做義工,仲接受咗寄養家庭督導員嘅訓練。」
學習期間, Fish認識到導盲犬訓練、獸醫檢查打針植入晶片、如何照顧初生小狗,並為導盲犬作各項測試等。完成 7個月訓練後,她於 13年 8月加入香港導盲犬協會工作,「我嘅工作主要係教寄養家庭,點樣同導盲幼犬相處及訓練佢哋,亦會解答佢哋喺照顧導盲犬時嘅困難,例如狗仔好多眼屎或者病咗點算,應該要帶佢睇醫生。」

測試狗狗反應


寄養家庭主人訓練導盲犬屬義工工作, Fish很感激 Mabel(右)無私的付出。

每隻導盲幼犬在約 2個月大時,便被送往寄養家庭,接受約年多的訓練,「喺交畀寄養家庭訓練前,我會先同導盲幼犬做測試,包括確認佢哋識搭扶手電梯時嘅動作、過地鐵站出入口時嘅方法等,有呢啲基本認識,會方便寄養家庭訓練。」
之後, Fish會親身與寄養家庭主人,講解平日需注意的事項,「好似留意導盲幼犬嘅身體語言,打喊露、抓痕、耳仔向後等,都代表佢好緊張,要快啲令佢冷靜落嚟。起碼 5至 6個月大,先帶導盲犬搭地鐵或去人多嘅地方,好多事物對佢哋嚟講太新奇,好易會嚇親佢哋。」

不停跟進及提點


採訪當日, Gaga第一次搭電梯, Fish需重複多次上落電梯的動作,讓牠適應。

Fish笑說需不厭其煩地提點寄養家庭,「有啲家庭對照顧狗仔係零經驗,要提醒多啲,我每個月約做 1至 2次家訪。多啲親身示範畀佢哋睇,例如只可以有『 sit、 down、 stay、 heal』等指令性 command,唔可以有『 hand』呢啲玩嘅 command,亦唔可以玩接波及飛碟,會令狗仔分心,難專注帶領嘅工作。」
現時 Fish月入約為$17,000,她希望日後可成為導盲犬定向行走導師,為視障人士與導盲犬配,對並進行訓練。


Fish表示,主人應多留意導盲犬的身體語言,「打喊露、抓痕、耳仔向後或者唔係好熱時都成日有『嗄、嗄』聲,即係代表佢好緊張,仲未適應個新環境,要安撫佢,令佢冷靜。」

Gaga導盲幼犬
品 種:拉布拉多
年 齡: 4個月大
性 別:女仔
出生地:澳洲昆士蘭

Mabel 寄養家庭主人
我照顧咗 Gaga個幾月,起初最唔習慣係要好早起身帶佢去廁所,𠵱家每日都會帶佢去散步,早晚最長,每次約 30分鐘,畀佢適應戶外環境同見多啲人。我都怕 1年後訓練期完後會唔捨得,但希望 Gaga可以幫到有需要嘅人。

三不一問

採訪當日,途人知道 Gaga乃導盲犬,都很熱情地上前逗牠玩,其實當導盲犬穿着印有「導盲犬訓練中」字樣的背心時,即牠們正在工作,途人不便干擾,亦不鼓勵摸牠及與牠玩耍。 Fish說:「當遇見導盲犬及幼犬時會有一定守則,我哋叫『三不一問』。」
一:不干擾
二:不餵食
三:不拒絕(進入公眾場所)

一問:主動詢問視障者是否需要協助


導盲犬穿着印有「導盲犬訓練中」字樣的背心時,途人不便干擾。

若有興趣成為寄養家庭督導員人士,可先參與導盲犬協會的義工,再留意其招聘消息。
香港導盲犬協會
查詢: http://www.guidedogs.org.hk

撰文:霍芷晴
攝影:傅新發

anyShare分享到: