U撈 帶運動playgroup 與小朋友齊奔跑

0
667

Perry 21歲城市大學公共行政系 Yr.4小朋友於課堂期間都很投入, Perry(右)時會於旁邊指導學員的正確姿勢並加以鼓勵,「隻腳要提高啲跑!做得好!」

U撈

帶運動 playgroup 與小朋友齊奔跑

現今怪獸家長橫行,怕小朋友曬親、被蚊咬,讓他們參加 playgroup鮮有在戶外進行。 Perry從小喜歡運動,曾是三項鐵人賽的香港代表隊成員,他發覺現時的小朋友大都缺少運動,在朋友的介紹下,他成為以運動為主題的 playgroup教練,在戶外進行小遊戲,教導小朋友完成體能訓練,體驗戶外玩耍的樂趣,訓練小朋友的大小肌肉之餘,也教導他們個人品德,一舉兩得!

「我會示範一次,然後大家跟住做。首先跑過黃色路軌……」採訪當日,在跑馬地運動場上, Perry聯同另外 3位教練與一班小朋友,進行跨越障礙遊戲,他們在草地上跑跑跳跳,天氣雖熱,小朋友們玩到滿頭大汗,但每一個都玩得很開心!
身為小朋友運動 playgroup教練的 Perry,從小已喜歡運動,「我細個好鍾意游水,直至 07年,見到 3項鐵人隊伍招攬隊員,就去試下。成功入隊後,我玩埋單車同跑步,參加過好多比賽,都拎過唔錯嘅成績。」最令他難忘的是,於 14年亞運男女混合接力賽獲得第四名。

退隊做導師

15年 1月, Perry退出三項鐵人賽的香港代表隊,「參加過亞運,自己已經圓咗心願,打算退落嚟。」之後經朋友介紹,加入了專為小朋友提供戶外運動 playgroup的 Team A Plus,「𠵱家好多小朋友都鍾意玩電話,少參與戶外活動,加上坊間好多 playgroup都喺室內進行,我覺得用戶外運動做主題幾有意思,喺今年 7月開始教班。」
現時 playgroup的學員以 3至 6歲為主,每堂為 60至 90分鐘, Perry會先帶小朋友做熱身,然後玩小遊戲,從中訓練他們的大小肌肉、反應能力及培養個人品德等,最後會進行檢討。
「遊戲由我哋設計,希望每次都有啲變化,畀到小朋友新鮮感,玩得開心啲。例如我哋會將顏色飛碟排起,然後叫小朋友搵相同顏色,等佢哋去奔跑,訓練腦轉數及個人反應;就算係簡單嘅遊戲,好似『 1,2,3紅綠燈』,都可以喺玩嘅過程中,教到小朋友對其他小朋友要有禮貌;同埋畀佢哋輪流做領袖,亦訓練到佢哋說話嘅膽量及技巧。」


課堂開始時, Perry與其他教練帶領小朋友做熱身運動,然後讓小朋友輪流當小領袖,帶領大家做熱身,「要訓練小朋友喺咁多人面前講嘢嘅膽量及說話技巧。」


每個遊戲開始前, Perry會親身示範,「一陣大家要跑過呢啲黃色路軌,去對面同教練擊掌,但過路軌時記住唔好踩到黃色位置!」


看完示範後,小朋友們排隊逐個嘗試,但有些卻會不小心拌倒, Perry會即時糾正他們,「你試吓隻腳提高啲跑,咁會唔會好啲?」 學教小朋友

在訓練小朋友的同時, Perry也同樣在學習中,最初他不時要請教其他教練教班的技巧,「天氣熱,小朋友好難集中,通常要兩個教練配合,一個主持大局,一個喺小朋友耳邊做提示,等佢哋專心啲。有啲較活躍多嘢講嘅小朋友,就要捉埋一邊,單對單同佢講,我唔會鬧,會用鼓勵嘅形式,希望令佢同其他小朋友合作做運動。」
Perry每星期會教 4班,月入約 4千,「𠵱家份工比起自己以前訓練,真係輕鬆好多,教班集中喺星期六,唔會阻到上堂及溫書嘅時間。」畢業後, Perry希望投考紀律部隊,同時會抽時間繼續教班,培養更多小朋友對運動的興趣。


Perry表示,偶有小朋友會鬧情緒,「我會踎低等佢有番安全感先,然後了解吓佢咩事喊,再試吓鼓勵佢同大家一齊玩。」


經各位教練鼓勵後,小妹妹在 Perry的陪伴下完成遊戲。

Michael 創辦人
玩三項鐵人時,已認識 Perry,佢教小朋友好有耐心,同埋諗遊戲又好有心機同認真,覺得佢教得唔錯。

Cindy 家長
自己同屋企人都好鍾意跑步,上網見到有運動 playgroup,覺得幾好玩同健康,就帶 Bruce嚟玩。到𠵱家都玩咗大半年,仲跟 Micheal學埋游水。
Bruce 學員
次次上堂都同其他小朋友玩得好開心,好好玩。

Team A [email protected]

撰文:霍芷晴
攝影:傅新發

anyShare分享到: